Qoratepa arxeologiya yodgorligi o‘rganildi

Xalq deputatlari Termiz tuman Kengashi deputatlari tomonidan tumandagi Qoratepa buddizm inshooti — arxeologiya yodgorligi o‘rganildi.

O‘rganish davomida yodgorlikning saqlanish holati, muhofazasi, hududni obodonlashtirish hamda tarixiy-madaniy meros obyektidan foydalanish holati ko‘zdan kechirildi.

Shuningdek, madaniy meros obyektini asrab-avaylash, uning tarixiy qiyofasini saqlash va kelajak avlodga yetkazish, hududda olib borilayotgan ishlarni yanada takomillashtirish masalalariga e’tibor qaratildi.

Mazkur o‘rganish O‘zbekiston Respublikasining “Madaniy meros obyektlarini muhofaza qilish va ulardan foydalanish to‘g‘risida”gi Qonuni talablari asosida madaniy meros obyektlarini muhofaza qilish va ulardan oqilona foydalanish holatini nazorat qilish maqsadida amalga oshirildi.

Qoratepa kabi noyob tarixiy yodgorliklarni asrab-avaylash Termiz tumanining boy tarixiy-madaniy merosini kelajak avlodga yetkazish va hududning turizm salohiyatini oshirishda muhim ahamiyat kasb etadi.