Xalq Deputatlari Parkent tuman Kengashiga 24-Tolbuloq saylov okrugidan saylangan deputat Uboydullayeva Yulduz Abrorjonovna tashabbusi bilan I. Karimov nomidagi TDTU Olmaliq filiali huzuridagi akademik litseyda “Zahriddin Muhammad Bobur asarlari bilimdoni” bellashuvi o`tkazildi. Ushbu bellashuv birinchi va ikkinchi bosqich o'quvchilar o'rtasida Zahiriddin Muhammad Boburning ijodini chuqur o‘rganish, uning adabiy va tarixiy merosini targ‘ib qilish maqsadida tashkil etildi. Bellashuv ishtirokchilari Y.A.Uboydullayeva tomonidan diplom va tashakkurnomalar bilan taqdirlandi va Zahriddin Muhammad Bobur tavalludining 542-yilligi munosabati bilan 20 turdagi badiiy kitoblar akademik litsey kutubxonasiga topshirildi.