#deputat_okrugida

“Zarobod” mahallasidagi 6-sonli MTT da o'rganish o'tkazildi

Xalq deputatlari viloyat Kengashi kotibiyati mudiri Sh.Boyqulov, Qiziriq tumani prokurori Sh.Mamirqulov hamda tuman Kengashi kotibiyati mudiri, Xalq deputatlari tuman Kengashiga 4-Zarobod saylov okrugidan saylangan deputat K.Muhammadiyev tomonidan “Zarobod” mahallasida o‘rganish olib borildi.

O‘zbekiston Respublikasi Prezidentining tegishli qarorlari asosida tumandagi qator ijtimoiy soha obyektlarida mukammal ta’mirlash va rekonstruksiya ishlari amalga oshirilib, mazkur loyihalar 2025-yilda yakunlangan.

Shunga qaramay, “Zarobod” mahallasida joylashgan 6-sonli maktabgacha ta’lim tashkilotida ta’mirlash ishlari yakunlangan bo‘lsa-da, obyekt bugungi kunga qadar foydalanishga topshirilmagan.

Mazkur holat joyiga chiqqan holda o‘rganilib, aniqlangan muammoni hal etish yuzasidan tuman darajasida bir qator ishlar amalga oshirilgani, shuningdek, tegishli deputatlik so‘rovlari yuborilganiga qaramay, masala hanuzgacha ijobiy hal etilmagani qayd etildi.

Muammoni tezkor va samarali hal etish, maktabgacha ta’lim tashkilotini foydalanishga topshirish choralarini ko‘rish maqsadida hududdan viloyat Kengashiga saylangan deputat D.Radjapova nomidan Surxondaryo viloyati hokimi o‘rinbosari A.Amirovga deputatlik so‘rovi yuborish rejalashtirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram