Xalq deputatlari Qo‘qon shahar Kengashi raisi va deputati F.Mamajonov tomonidan fuqarolar murojaati asosida navbatdagi deputatlik so‘rovi yuborildi.

Deputatning "Aziztepa" mahalla fuqarolar yig‘inida saylovchilar bilan o‘tkazgan uchrashuvi davomida mahalla hududidagi Nurafshon, Mexrjon va Sariqqamish ko‘chalari uzoq yillardan buyon asfaltlashtirilmagani, buning natijasida ayniqsa kuz-qish mavsumida aholi uchun jiddiy noqulayliklar yuzaga kelayotgani hamda fuqarolarning haqli e’tirozlariga sabab bo‘layotgani yuzasidan murojaat bildirildi.

Mazkur murojaat yuzasidan O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonuni talablariga muvofiq, Qo‘qon shahar Obodonlashtirish boshqarmasi boshlig‘i nomiga deputatlik so‘rovi yuborildi.

Deputatlik so‘rovida "Aziztepa" MFY hududidagi Nurafshon, Mexrjon va Sariqqamish ko‘chalarini asfaltlashtirish bo‘yicha ko‘rilayotgan chora-tadbirlar, mazkur ishlarni amalga oshirish muddatlari hamda bu borada asoslantirilgan ma’lumot taqdim etish so‘ralgan.

Mazkur masala deputat nazoratiga olingan bo‘lib, uning ijrosi yuzasidan amalga oshirilayotgan ishlar va natijalar haqida jamoatchilikka qo‘shimcha ma’lumotlar berib boriladi.

Xalq deputatlari Qo‘qon shahar Kengashi