Xalq deputatlari Oltinsoy tuman Kengashi deputati M.Qarshiyev ishtirokida tumandagi muqaddas qadamjolarni obodonlashtirish va ularning ozodaligini ta’minlash bo‘yicha keng ko‘lamli ishlar amalga oshirilmoqda.

Jumladan, Oltinsoy tumanidagi “Jobu” mahalla fuqarolar yig‘ini hududida joylashgan qabristonlarda obodonlashtirish ishlari izchil davom ettirilmoqda. Ushbu tadbirlar doirasida hasharlar tashkil etilib, hududlarni chiqindilardan tozalash, bino qurish, daraxtlarga shakl berish, ichki yo‘laklarni tartibga keltirish hamda atrof-muhitni yanada ko‘rkamlashtirish ishlariga alohida e’tibor qaratilmoqda.

Ta’kidlash joizki, mazkur ishlar aholi uchun munosib ziyoratgoh muhitini yaratish, muqaddas qadamjolarning obodligi va ozodaligini ta’minlash, shuningdek, milliy qadriyatlarimizga hurmat va ehtirom tuyg‘ularini mustahkamlashga xizmat qilmoqda.

✍️Oltinsoy tumani Kengash Kotibiyati Axborot xizmati