Xalq deputatlari Boyovut tumani Kengashining 4-Farhod saylov okrugi deputati Akrom Bo‘tayev tomonidan "Navro‘z" mahallasida mahalla yettiligi ishtirokida fuqarolarning murojaatlari yuzasidan uchrashuv tashkil etildi.

Mazkur uchrashuvda Xalq deputatlari tuman Kengashining 1-Madaniyat saylov okrugi deputati Asqarali Odilov ham ishtirok etib, hududda mavjud muammolar, aholini qiynab kelayotgan masalalar hamda ularning yechimlari yuzasidan atroflicha fikr almashildi.

Uchrashuv davomida mahalla aholisi tomonidan kelib tushgan masalalar muhokama qilinib, ularni hal etish bo‘yicha aniq taklif va tavsiyalar ishlab chiqildi. Shuningdek, murojaatlarning ijrosini ta’minlash, ularni tegishli tashkilotlar bilan hamkorlikda bartaraf etish yuzasidan kelishuvlarga erishildi.

Bunday ochiq muloqotlar hududdagi ijtimoiy-iqtisodiy masalalarni tizimli hal etish, aholi bilan samarali aloqalarni mustahkamlashda muhim ahamiyat kasb etadi.