🔹O‘zLiDeP bilan hamkorlikda amalga oshirilayotgan “Mahallaning ishbilarmon ayoli” loyihasi mahallada faoliyat yuritayotgan tashabbuskor ayollarni aniqlash, qo‘llab-quvvatlash va ularning ilg‘or tajribasini ommalashtirishga xizmat qilayapti. Loyiha doirasida Uchko‘prik tumanidagi "Vaxobov Elbek" oilaviy korxonasi rahbari-tadbirkor ayol Xamidaxon Akbarova faoliyati yaqindan o‘rganildi. Uning tikuvchilik yo‘nalishida amalga oshirayotgan ishlari, ishlab chiqarish jarayoni va bandlik yaratish borasidagi natijalari tahlil qilindi. Korxona asosan tikuvchilik sohasida o‘z faoliyatini yo‘lga qo‘ygan bo‘lib, mahallada 158 nafar ayolni doimiy
ish bilan ta’minlagan. Bu, o‘z navbatida, nafaqat bir oilaning barqaror daromad manbaiga ega bo‘lishiga, balki mahallada xotin-qizlar bandligini ta’minlashga qaratilgan amaliy qadam sifatida e’tirof etildi. 

🔹O‘rganishlar davomida “Mahallaning ishbilarmon ayoli” loyihasining asosiy maqsadi — mahallalarda xotin-qizlarning iqtisodiy faolligini oshirish, ularning biznes tashabbuslarini rag‘batlantirish va muvaffaqiyatli tajribalarni keng jamoatchilikka yetkazish ekani alohida ta’kidlandi. Xamidaxon Akbarovaning faoliyati ana shunday ibratli tajribalardan biri sifatida baholandi. "Nilu baby" oilaviy korxonasi haqida ham yuqoridagidek ijobiy fikrlar bildirish mumkin. 

🔹Deputat o‘rganuvi yakunida tadbirkor Xamidaxon Akbarovaning ilg‘or ish usullarini ommalashtirish, ishlab chiqarish quvvatini kengaytirish hamda qo‘shimcha ish o‘rinlari yaratish bo‘yicha tavsiyalar berdi.