Қарақалпақстан Республикасы Жоқарғы Кеӊеси депутаты Ф.Палуанова, Халық депутатлары Шымбай районлық Кеңеси депутаты А.Утепбергенова “Кеңес” аўыл пуқаралар жыйынында болып "Мәҳәлле жетилиги" ағзалары менен ушырасты.

Ушырасыўда аймақтағы "Мәҳәлле жетилиги" ағзалары тәрепинен Өзбекистан Республикасы Министрлер Кабинетиниң 2024-жыл 6-августтағы “Мәҳәллелерде халықтың машқалаларын анықлаў системасын жетилистириў ҳаққында”ғы 486-санлы қарарының орынланыўы, халықты кәмбағаллықтан шығарыў, жаслардың бәнтлиги бойынша, халықтың социаллық жәрдемге мүтәж категорияларына көрсетилетуғын хызметтиң сапалы шөлкемлестирилиўи, кем тәмийинленген шаңарақларға социаллық напақалар ҳәм материаллық жәрдем тайынлаў бойынша ислеген жумыслары менен танысты.

Ушырасыў даўамында аймақтағы ишки жоллар, ишимлик суў тәмийнаты, электр энергия менен үзликсиз тәмийинлеў туўралы пикирлери менен танысып, 2026-жылда әмелге асырылыўы белгиленген жумыслар белгилеп алынды.