Халқ депутатлари Наманган вилояти Кенгаши депутатлари иштирокида вилоят Кенгаши доимий комиссияларининг қўшма йиғилиши ўтказилди.

Йиғилишда вилоятда хавфсиз муҳитни шакллантириш, уюшган жиноятчилик, наркожиноятлар, кибержиноятлар ҳамда яширин иқтисодиётга қарши курашиш бўйича амалга оширилаётган ишлар муҳокама қилинди. 

  Шунингдек, ўзбошимчалик билан эгаллаб олинган ер участкалари ва уларда қурилган биноларга бўлган ҳуқуқларни эътироф этиш, 2026 йил бошида аниқланган вилоят бюджетининг эркин қолдиқ маблағларини йўналтириш масалалари кўриб чиқилди.

Йиғилишда, шунингдек, йўл бўйи инфратузилмасини ривожлантириш ва экологик-туристик зоналарни ташкил этиш учун “мастер-режа”лар ишлаб чиқиш, ҳамда вилоят Кенгаши ҳузуридаги компенсация комиссияси таркиби ва регламентини тасдиқлаш масалалари муҳокама қилинди.

Муҳокамалар якунида депутатлар томонидан билдирилган таклифлар асосида тегишли қарорлар қабул қилинди.