Xalq deputatlari Chilonzor tuman Kengashining 18-Guliston saylov okrugi deputati Kim Marina Melisovna tomonidan Guliston mahallasi hududida jinoyatchilikning oldini olish, huquqbuzarliklarga qarshi kurashish hamda jamoat xavfsizligini ta’minlash borasida amalga oshirilayotgan ishlar o‘rganildi.

O‘rganish davomida, ayniqsa, “qizil” va “sariq” toifaga kiritilgan hududlarda jinoyatchilikni kamaytirish va uning oldini olish, mavjud muammoli holatlarni bartaraf etish, huquqbuzarlik sodir etilishiga olib keluvchi omillarni aniqlash hamda profilaktik tadbirlarning samaradorligini oshirish masalalariga alohida e’tibor qaratildi.

Shuningdek, hududdagi osoyishtalikni ta’minlash, fuqarolar xavfsizligini mustahkamlash va jinoyatchilikning oldini olish bo‘yicha mas’ul tashkilotlar tomonidan olib borilayotgan ishlarning samaradorligi ko‘rib chiqildi. Aniqlangan kamchiliklarni bartaraf etish hamda mavjud muammolarni hal etish yuzasidan tegishli taklif va tavsiyalar bildirildi.