#162_ta_qonun
🤝 Qarorlar ijrosi va qonunchilik talablari yuzasidan o‘rganish ishlari olib borildi

👥 Xalq deputatlari Sherobod tumani Kengashi 17-G‘ambur saylov okrugi deputati S. To‘rayeva hamda Kengash kotibiyati bosh mutaxassisi S. Safarov tomonidan Sherobod tumani Obodonlashtirish boshqarmasi bo‘limida rahbariyat bilan uchrashuv o‘tkazildi.

📋 Uchrashuv davomida Xalq deputatlari Sherobod tumani Kengashi tomonidan qabul qilingan qarorlarning ijrosi, belgilangan vazifalarning bajarilish holati, ijro intizomini mustahkamlash hamda kelgusidagi ustuvor vazifalar yuzasidan atroflicha fikr almashildi.

📖 Shuningdek, O‘zbekiston Respublikasining “Hayvonot dunyosini muhofaza qilish va undan foydalanish to‘g‘risida”gi O‘RQ–408 Qonuni ijrosi yuzasidan savolnoma asosida o‘rganish ishlari o‘tkazildi.

📝 Savolnoma davomida:

🔹 hayvonot dunyosini muhofaza qilish bo‘yicha qonun talablariga rioya etilishi;
🔹 biologik xilma-xillikni asrash va tabiiy resurslardan oqilona foydalanish;
🔹 noqonuniy ov qilish va hayvonot dunyosiga zarar yetkazishning oldini olish bo‘yicha amalga oshirilayotgan ishlar;
🔹 mas'ul xodimlarning mazkur qonun bo‘yicha xabardorlik darajasi hamda amaliy faoliyati yuzasidan o‘rganish olib borildi.

✅ O‘rganish yakunida aniqlangan holatlar tahlil qilinib, qonunchilik hujjatlari ijrosini yanada samarali tashkil etish hamda mas'uliyatni oshirish yuzasidan tegishli tavsiya va takliflar bildirildi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube