Qoraxon MFYda paxta terimi jarayoni o‘rganildi

Termiz tumanida paxta hosilini yig‘ib-terib olish ishlari qizg‘in davom etmoqda. Ayni paytda dalalarda yetishtirilgan hosilni qisqa muddatlarda va sifatli yig‘ib olishga alohida e’tibor qaratilmoqda.

Xalq deputatlari Termiz tuman Kengashi 19-Qoraxon saylov okrugidan saylangan deputat G.Baxramova saylangan Qoraxon MFY hududidagi paxta dalalarida paxta terimi jarayoni mutaxassis K.Abdullayeva tomonidan o‘rganildi.

O‘rganish davomida “Xitoy 72” (“Xin Lu Zao 72”) navi paxtasini mashinada terib olish ishlari, dalalarning mashinali terimga tayyorgarligi hamda hosilni yig‘ib-terib olish jarayoni ko‘zdan kechirildi.

Shuningdek, paxta hosilini nobudgarchiliksiz va sifatli yig‘ib olish, terim ishlarini uyushqoqlik bilan tashkil etish hamda yetishtirilgan hosilni o‘z vaqtida qabul qilish masalalariga e’tibor qaratildi.

Paxta terimi jarayoni va hosilni yig‘ib olish bo‘yicha amalga oshirilayotgan ishlar deputatlik nazorati doirasida o‘rganib borilmoqda.

Paxta terimini uyushqoqlik bilan tashkil etish, hosilni nobudgarchiliksiz yig‘ib-terib olish hamda yetishtirilgan hosilni sifatli qabul qilish bo‘yicha zarur chora-tadbirlar ko‘rilmoqda.