Xalq deputatlari Arnasoy tuman Kengashi deputati E. Rajabov o‘ziga biriktirilgan tashkilot bilan hamkorlikda o‘z saylov okrugidagi Yangibo‘ston MFY hududida amalga oshirilayotgan bunyodkorlik va obodonlashtirish ishlari doirasida o‘rganishni olib bordi.

O‘rganish jarayonida hudud aholisiga yanada qulay shart-sharoitlar yaratish, savdo xizmatlari sifatini yaxshilash va fuqarolarning kundalik ehtiyojlarini yashash hududiga yaqin joyda ta’minlash maqsadida barpo etilayotgan dehqon bozori qurilishi bilan bevosita joyida tanishildi.

Yangi bozorning tashkil etilishi aholi uchun qishloq xo‘jaligi mahsulotlarini xarid qilish imkoniyatlarini kengaytirish, savdo xizmatlarini hududning o‘zida rivojlantirish hamda mahalliy ishlab chiqaruvchi va tadbirkorlar uchun qo‘shimcha imkoniyatlar yaratishga xizmat qilishi ko‘zda tutilmoqda.

Shuningdek, qurilish jarayonining borishi, obyekt hududining tashkil etilishi, kelgusida savdo faoliyatini yo‘lga qo‘yish uchun zarur shart-sharoitlar hamda aholi uchun yaratiladigan qulayliklar yuzasidan tegishli masalalar ko‘rib chiqildi.

O‘rganish yakunida qurilish ishlarini sifatli tashkil etish, hudud aholisi manfaatlarini inobatga olish hamda obyekt foydalanishga topshirilgach, uning aholiga qulay va samarali xizmat ko‘rsatishini ta’minlash bo‘yicha tegishli takliflar bildirildi.