Xalq deputatlari Yangiobod tuman Kengashi Kotibiyati mudiri, deputat V. Xasanov tomonidan tuman saylov komissiyasida yuritilayotgan hujjatlar, ularning tartibga solinishi va saqlanish holati bilan tanishildi.

Jarayon davomida saylov komissiyasi faoliyatiga oid hujjatlarning belgilangan tartibda rasmiylashtirilishi, yig‘ilish bayonnomalari, qarorlar va boshqa tegishli hujjatlarning yuritilishi hamda saqlanishiga e’tibor qaratildi.

Shuningdek, hujjatlarning tizimlashtirilishi, ularning to‘liqligi va zarur ma’lumotlarning belgilangan tartibda rasmiylashtirilishi yuzasidan mas’ullar bilan fikr almashildi.

Muloqot davomida saylov jarayonlarida hujjatlarni to‘g‘ri va tartibli yuritish, ularni saqlash hamda komissiya faoliyatida belgilangan talablarning izchil ta’minlanishi muhimligi qayd etildi.

Saylov jarayonlarida hujjatlarning aniq, tartibli va belgilangan talablar asosida yuritilishi muhim ahamiyatga ega.