Aholining ijtimoiy ehtiyojmand qatlamlarini qo‘llab-quvvatlashda eng muhim jihatlardan biri — muammoni o‘z vaqtida aniqlash va fuqaroga uning ehtiyojidan kelib chiqib amaliy ko‘mak ko‘rsatishdir. Shu maqsadda Xalq deputatlari Yangiobod tuman Kengashi Kotibiyati mudiri, deputat V. Xasanov tomonidan Havotog‘ QFYda ijtimoiy ehtiyojmand fuqarolar bilan ishlash holatiga e’tibor qaratildi.

Jarayon davomida mahalladagi ijtimoiy xodimning faoliyati, aholining ijtimoiy ehtiyojmand toifalarini aniqlash, ularning muammolarini o‘rganish, mavjud imkoniyatlardan kelib chiqib tegishli ijtimoiy xizmat va ko‘mak choralarini tashkil etish masalalari ko‘rib chiqildi.

Shuningdek, fuqarolarga ko‘rsatilayotgan xizmatlarning sifati va manzilliligi, murojaatlarning o‘z vaqtida ko‘rib chiqilishi hamda ehtiyojmand oilalarning tegishli ijtimoiy yordam turlaridan foydalanish imkoniyatlari yuzasidan mas’ullar bilan fikr almashildi.

Muloqot davomida ijtimoiy xodim tomonidan aniqlangan muammolarni, ularning yechimi bo‘yicha tegishli tashkilotlar bilan hamkorlikda aniq va amaliy choralarni belgilash vazifalari belgilandi.