#deputatlik_nazorati_Uchtepa #Kotibiyat_hududlarda #ekspert_guruhlari

FUQAROLAR MUROJAATI ASOSIDA SUV TOSHQININING OLDINI OLISH CHORALARI BELGILANDI

📝 Xalq deputatlari Uchtepa tumani Kengashining 15-Izza saylov okrugi deputatiga Katta Qani mahallasi fuqarolari tomonidan kuchli yog‘ingarchiliklar vaqtida yomg‘ir suvlari to‘planib, ayrim hollarda xonadonlarga kirib kelayotgani hamda buning natijasida aholi qiyinchiliklarga duch kelayotgani yuzasidan bir necha bor murojaatlar bildirilgan.

💹 Mazkur murojaatni joyiga chiqqan holda o‘rganish maqsadida tuman hokimining qurilish masalalari bo‘yicha o‘rinbosari Nurali Ismatov tomonidan tegishli mutaxassislar ishtirokida hudud ko‘zdan kechirildi. O‘rganish davomida mavjud muammoni bartaraf etish va yog‘ingarchiliklar vaqtida suv to‘planishining oldini olish bo‘yicha zarur choralarni ko‘rish belgilandi.

💼 O‘rganishda xalq deputatlari Uchtepa tumani Kengashi kotibiyati mudiri Anvar Usmanov, ekspert komissiyasi vakillar hamda Katta qani mahallasi raisi ishtirok etdi.

📝 Shuningdek, mazkur ko‘chada fuqarolarning xavfsiz va qulay harakatlanishini ta’minlash maqsadida piyodalar uchun yo‘lak tashkil etish masalasini ham hal etish belgilandi. Murojaatda ko‘tarilgan masalalarni tez fursatda ijobiy hal etish hamda belgilangan ishlarning amalga oshirilishini ta’minlash yuzasidan mas’ullarga tegishli topshiriq va tavsiyalar berildi.

📈 Aniqlangan muammolarni bartaraf etish jarayoni deputatlik nazoratiga olindi hamda masala yuzasidan tegishli tashkilotlarga deputatlik so‘rovi yuborish belgilandi.