Aholi salomatligini muhofaza qilish, fuqarolarga sifatli va o‘z vaqtida tibbiy xizmat ko‘rsatish hamda mavjud muammolarni joyida o‘rganib, ularni bartaraf etish bo‘yicha amaliy ishlar izchil davom ettirilmoqda.

Shu maqsadda Xalq deputatlari Uchquduq tuman Kengashining
13-Madaniyat saylov okrugi deputati B.Xusanov, 18-O‘zbekiston saylov okrugi deputati L.Karimova hamda 5-Yoshlar saylov okrugi deputati M.Xudoyberdiyeva tomonidan aholiga sifatli tibbiy yordam ko‘rsatilishi holati o‘rganildi.

🔹 O‘rganish jarayonida fuqarolarning tibbiy xizmatlardan foydalanish imkoniyatlari, tibbiy yordamning o‘z vaqtida va sifatli ko‘rsatilishi, aholining murojaatlari hamda ularni qiynayotgan masalalarga alohida e’tibor qaratildi.
🔹 Shuningdek, tibbiyot muassasalarida aholiga yaratilgan shart-sharoitlar, fuqarolar murojaatlari bilan ishlash samaradorligi, tibbiy xizmat ko‘rsatish jarayonida uchrayotgan muammo va kamchiliklar ham ko‘rib chiqildi.
🔹 Fuqarolar bilan muloqot davomida ularning taklif va mulohazalari tinglanib, tibbiy xizmat ko‘rsatish sifatini yanada oshirish, aholining ehtiyojlaridan kelib chiqib xizmatlarni takomillashtirish yuzasidan fikrlar almashildi.

👩‍⚕️ Aholi salomatligi — jamiyat farovonligining muhim omili. Shu bois fuqarolarga ko‘rsatilayotgan tibbiy xizmatlar sifati, ayniqsa, aholining tibbiy yordamga bo‘lgan ehtiyojini o‘z vaqtida qondirish masalasi doimo e’tibor markazida bo‘lishi lozim.

O‘rganish davomida aniqlangan masalalar yuzasidan tegishli mutasaddilarga tavsiya va takliflar bildirilib, mavjud muammolarni bartaraf etish hamda kelgusida bu yo‘nalishdagi ishlarni yanada takomillashtirish bo‘yicha tegishli vazifalar belgilandi.

📌 Deputatlar tomonidan joylarda aholining muammolarini o‘rganish, fuqarolar bilan bevosita muloqot qilish va ularning qonuniy manfaatlarini himoya qilishga qaratilgan bunday amaliy ishlar bundan buyon ham davom ettiriladi.

Zero, sifatli tibbiy xizmat — inson qadri va aholi farovonligining muhim ko‘rsatkichidir.