Xalq deputatlari Qo‘qon shahar Kengashiga 4-“Oq oltin” saylov okrugidan saylangan deputat M.Mamajonov tomonidan “Aziz tepa” mahalla fuqarolar yig‘inida navbatdagi saylovchilar bilan uchrashuv hamda o‘rganish ishlari olib borildi.

O‘tkazilgan uchrashuv va o‘rganish ishlarida Xalq deputatlari Qo‘qon shahar Kengashi kotibiyati mudiri A.Nosirov, bosh mutaxassislari X.Abdullayev va A.Adxamovlar ishtirok etib, amaliy ko‘mak ko‘rsatdilar.

O‘rganish davomida Xalq deputatlari Qo‘qon shahar Kengashining 2026-yil 25-maydagi VII-22-42-11-166-K/26-sonli qarori asosida uy-joylarini ta’mirlash uchun mablag‘ ajratilgan fuqarolar xonadonlarida mazkur qaror ijrosi yuzasidan amalga oshirilgan ishlar joyiga chiqqan holda ko‘zdan kechirildi.

Jumladan, “Aziz tepa” MFY, Aziz tepa ko‘chasi, 174-uyda yashovchi nogironligi bo‘lgan fuqaro M.Sotvoldiyeva xonadonida olib borilgan “yashil ta’mirlash” ishlari o‘rganildi.

O‘rganish jarayonida xonadonda amalga oshirilgan ta’mirlash ishlarining sifati, foydalanilgan qurilish materiallarining holati, bajarilgan ishlarning belgilangan talablar va muddatlarga muvofiqligi, shuningdek, fuqaro uchun yaratilayotgan yashash sharoitlari atroflicha ko‘rib chiqildi.

Shuningdek, ta’mirlash jarayonida yuzaga kelishi mumkin bo‘lgan masalalar, ishlarni sifatli yakunlash va ajratilgan mablag‘lardan samarali foydalanish bo‘yicha mas’ullar bilan fikr almashildi.

Xalq deputatlari Qo‘qon shahar Kengashi