#deputatlik_nazorati_Uchtepa #deputat_sorovi

🇺🇿 Xalq deputatlari Uchtepa tumani Kengashi "3-Istirohat" okrugi deputati Xalmatov Bobur Baxodirovich tomonidan Uchtepa tumani hokimining Yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o'rinbosari Oybek Rahmonberdiyevga navbatdagi deputatlik so'rovi chiqarildi.

📁 Uchtepa tumanidagi 236-sonli umumta’lim maktabida o'rganish ishlari olib borilib, o‘rganish davomida maktabning orqa qismida hududni tashqi tomondan ajratib turuvchi to‘siq panjaralari uzoq vaqtdan buyon mavjud emasligi aniqlangan. Mazkur holat maktab hududining ochiq va nazoratsiz qolgan qismlari mavjud bo‘lishiga sabab bo‘lib, ta’lim muassasasi hududiga tashqaridan begona shaxslarning kirib kelish xavfini oshirayotganligi, bu esa o‘quvchilar va pedagog-xodimlarning xavfsizligi, maktab hududida jamoat tartibini ta’minlash hamda ta’lim muassasasining muhofazasini tashkil etish nuqtayi nazaridan jiddiy e’tibor qaratishni talab etayotgani qayd etilgan.

🧠 Ta’lim muassasasi hududining tashqi perimetri bo‘ylab to‘siqlarning butligi va soz holatda bo‘lishi maktabga ruxsatsiz kirishlarning oldini olish, o‘quvchilar xavfsizligini ta’minlash hamda hududni nazorat ostida saqlashning muhim omillaridan biridir. Shu munosabat bilan, 236-sonli umumta’lim maktabining orqa qismidagi mavjud holatni bartaraf etish, hudud xavfsizligini ta’minlash va to‘siq panjaralarini qayta tiklash masalasini ko‘rib chiqish zarur deb hisoblanmoqda.

📈 Yuqoridagilardan kelib chiqib:

✍️ mazkur to‘siq panjaralari qachon va qanday sababga ko‘ra mavjud emasligi, ularni qayta tiklash bo‘yicha ilgari choralar ko‘rilgan-ko‘rilmaganligi haqida ma’lumot taqdim etish;

✍️ maktabning orqa qismidagi to‘siq panjaralarini belgilangan tartibda qayta o‘rnatish va hududni tashqi tomondan to‘liq himoyalash choralarini ko‘rish;

✍️ maktab hududiga begona shaxslarning ruxsatsiz kirib kelishining oldini olish maqsadida qo‘shimcha xavfsizlik choralarini belgilash;

✍️ aniqlangan kamchiliklarni bartaraf etish bo‘yicha amalga oshiriladigan ishlar, ularning aniq muddatlari va mas’ul tashkilotlar haqida natijalar to‘g‘risida qonunchilikda belgilangan muddatlarda yozma javob taqdim etish so‘ralmoqda.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.