KUZ-QISH MAVSUMIGA TAYYORGARLIK: 49-MAKTAB HOLATI O‘RGANILDI
Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan ijtimoiy soha obyektlarini kuz-qish mavsumiga tayyorlash, xususan, isitish tizimlarining holati yuzasidan hududlarda o‘rganish ishlari davom etmoqda.
Shu doirada Kengash deputati M.Kumakov tomonidan tumandagi 49-umumta’lim maktabining kuz-qish mavsumiga tayyorgarlik holati o‘rganildi.
O‘rganish davomida maktabning isitish tizimi, mavjud isitish qurilmalari, qozonxona holati, yoqilg‘i zaxirasi hamda qish mavsumida ta’lim jarayonini uzluksiz tashkil etish uchun yaratilgan sharoitlar ko‘zdan kechirildi.
Aniqlangan masalalar yuzasidan mas’ullarga tegishli vazifalar belgilab berilib, ularning ijrosi deputatlik nazorati ostiga olindi.
📌 Asosiy maqsad — qish mavsumida o‘quvchilar va pedagoglar uchun xavfsiz, issiq va qulay ta’lim sharoitini ta’minlash.