TUMAN MARKAZIY DEHQON BOZORIDA O‘RGANISH ISHLARI OLIB BORILDI 

Xalq deputatlari Quva tumani Kengashi deputatlari tomonidan tuman “Markaziy
dehqon bozori”da o‘rganish ishlari olib borildi. 

O‘rganish davomida bozordagi sanitariya-gigiyena holati, savdo
rastalarining tozaligi, oziq-ovqat mahsulotlarini saqlash sharoitlari,
shuningdek, sotuvdagi asosiy mahsulotlarning - guruch, o‘simlik yog‘i, un,
go‘sht mahsulotlari, poliz va sabzavotlarning narxi, sifati hamda yaroqlilik
muddati o‘rganildi. 

Shuningdek, avvalgi o‘rganishlar davomida aniqlangan kamchiliklarning bartaraf
etilishi, ular yuzasidan bozor ma’muriyati tomonidan amalga oshirilgan
chora-tadbirlar ham tahlil qilindi. 

O‘rganish yakunlari bo‘yicha bozor rahbariyatiga mahsulot narxlarining sun’iy
oshirilishiga yo‘l qo‘ymaslik, oziq-ovqat mahsulotlarini belgilangan talablarga
muvofiq saqlash, savdo jarayonida etiketka va sanitariya-gigiyena talablariga
qat’iy rioya etish yuzasidan tegishli tavsiyalar berildi. 

Aniqlangan kamchiliklarni bartaraf etish hamda berilgan tavsiyalar ijrosi
deputatlar tomonidan nazoratga olindi.