YANGIOBODDA OBODONLAShTIRISH ISHLARI JADAL DAVOM ETMOQDA

Og‘ir toifadagi Pop tumani Yangiobod mahallasida aholi uchun munosib sharoit yaratish, hudud infratuzilmasini yaxshilash va mahallaning obodligini ta’minlashga qaratilgan bunyodkorlik ishlari davom etmoqda.

Mahalla binosi va uning moddiy-texnik bazasini yangilash, 4,3 kilometr ichki ko‘chalarni asfaltlash, 1 kilometr lotoklar o‘rnatish belgilangan. Aholi uchun qulay va xavfsiz harakatlanish sharoitlarini yaratish maqsadida 2,7 kilometr piyodalar yo‘lagi, 75 ta tungi yoritkich va 10 ta kuzatuv kamerasi o‘rnatiladi.

Mahallada yoshlarning bo‘sh vaqtini mazmunli tashkil etish va sport bilan shug‘ullanishi uchun Workout va Streetball maydonchalari ham barpo etilishi ko‘zda tutilgan.

O‘rganish jarayonida Xalq deputatlari Namangan viloyati Kengashi deputati N.Abduraximov, Namangan viloyati Kengashi kotibiyati mudiri T. Gapparov hamda mas’ullar ishtirok etdi.