Deputatlik nazorati: “mahallabay” ishlash tizimi o‘rganilmoqda

Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2021-yil 9-avgustdagi 504-son qarori ijrosi yuzasidan o‘rganish ishlari olib borilmoqda.

🔎 O‘rganish jarayonida mahallalarda “mahallabay” ishlash tizimi, oilaviy tadbirkorlikni rivojlantirish, aholining doimiy daromad manbalarini ko‘paytirish hamda kambag‘allikni qisqartirish borasida amalga oshirilayotgan ishlarning samaradorligi tahlil qilinmoqda.

📋 O‘rganishni tizimli va aniq mezonlar asosida tashkil etish maqsadida maxsus savolnoma ishlab chiqildi. Unda mahallalarda amalga oshirilayotgan ishlarning amaliy natijalari, mavjud muammolar va ularni bartaraf etish bo‘yicha ko‘rilayotgan choralarni aniqlashga alohida e’tibor qaratilgan.

👥 Shuningdek, o‘rganishlarni joylarda sifatli tashkil etish, mavjud holatni xolisona baholash va aniqlangan muammolar yuzasidan tegishli takliflar ishlab chiqish maqsadida ishchi guruh shakllantirildi.

🎯 Asosiy maqsad — mahallalarda amalga oshirilayotgan iqtisodiy islohotlarning amaliy natijadorligini o‘rganish, tadbirkorlikni qo‘llab-quvvatlashni kuchaytirish, aholi daromadlarini oshirish va kambag‘allikni qisqartirishga qaratilgan ishlarni yanada takomillashtirish.