🇺🇿 MUSTAQILLIK BAYRAMIGA MUNOSIB TUHFA: BANDIXONDA YANA BIR ZAMONAVIY TA’LIM MASKANI!

🎉 Mustaqilligimizning 35 yillik shukuhi yurtimiz bo‘ylab keng quloch yozayotgan ayni kunlarda Bandixon tumanida yana bir ezgu va quvonchli voqea nishonlandi.

📚 Limonzor mahallasidagi 41-sonli umumta’lim maktabiga qo‘shimcha 240 o‘rinli zamonaviy o‘quv binosi foydalanishga topshirildi.

💰 Umumiy qiymati qariyb 2,8 milliard so‘m bo‘lgan yangi bino o‘quvchilar uchun zarur sharoitlar bilan jihozlangan bo‘lib, yosh avlodning zamonaviy va sifatli ta’lim olishi uchun keng imkoniyat yaratadi.

✨ Yangi ta’lim binosining tantanali ochilish marosimida Xalq deputatlari Bandixon tumani Kengashi deputati, tuman hokimi Abdumalik Allamuradov, nuroniylar, jamoatchilik vakillari, maktab jamoasi, o‘qituvchi va o‘quvchilar ishtirok etdi.

Tadbirda nuroniylar yurtimizdagi tinchlik-osoyishtalik, xalqimiz farovonligi va Vatanimiz ravnaqi uchun ezgu duolar qildilar. Chekka hududlarda, xususan, ta’lim maskanlarida yaratilayotgan bunday imkoniyatlar uchun o‘z minnatdorchiliklarini bildirdilar.

Bugun bunyod etilayotgan har bir maktab — ertangi kunimizga qo‘yilayotgan mustahkam poydevordir.

Yangi o‘quv binosi yuzlab o‘g‘il-qizlarning bilim olishi, orzu-maqsadlari sari dadil intilishi va kelajakda yurtimiz taraqqiyotiga munosib hissa qo‘shishiga xizmat qiladi.

🇺🇿 Mustaqillik — bu bunyodkorlik!
🇺🇿 Mustaqillik — bu taraqqiyot!
🇺🇿 Mustaqillik — farzandlarimiz uchun munosib kelajak demakdir!

🎊 Mustaqilligimizning 35 yilligi muborak bo‘lsin!