Navbahor mahallasida fuqarolar murojaati o‘rganildi

Xalq deputatlari Toyloq tuman Kengashi 11-Adas saylov okrugi deputati A. Usmonov, Davlat kadastr palatasi Toyloq tuman bo‘limi rahbari R. Xudoyqulov hamda tuman suv ta’minoti rahbari A. Shikurov tomonidan Navbahor mahallasida istiqomat qiluvchi fuqaro Obid Yo‘ldoshevning murojaati o‘rganildi.

O‘rganish davomida fuqaroning xonadoniga ichimlik suvi tarmog‘ini yangilash hamda uy-joyining kadastr hujjatlarini rasmiylashtirish masalalari ko‘rib chiqildi.

Murojaat yuzasidan mas’ullarga tegishli topshiriqlar berilib, ichimlik suvi bilan bog‘liq masalani shu kunning o‘zida hal etish, uy-joyning kadastr hujjatlarini esa amaldagi tartib va qonunchilik talablari asosida ko‘rib chiqish belgilab olindi.

Fuqarolar murojaatlarini joyida o‘rganish va ularning muammolarini amaliy hal etish — deputatlik faoliyatining muhim yo‘nalishlaridan biridir.