22-Dovkash saylov okrugi deputati B. Sadikova tomonidan Pastdarg‘om tumanidagi 35-son umumiy o‘rta ta’lim maktabi faoliyati o‘rganilib, ta’lim sifatini ta’minlashga ta’sir etayotgan qator muammolar yuzasidan deputat so‘rovi kiritilgan edi.

Mazkur deputat so‘rovi tegishli tashkilot tomonidan ko‘rib chiqildi. Unda maktabda o‘quvchilar sonining ortib borayotgani sababli sinfxonalar yetishmasligi hamda sport jihozlari bilan ta’minlanganlik darajasi talabga to‘liq javob bermasligi qayd etildi.

Bildirilgan muammolarni bartaraf etish maqsadida:

🔹 qo‘shimcha o‘quv xonalarini tashkil etish bo‘yicha tegishli investitsiya va qurilish dasturlariga taklif kiritish;

🔹 maktabni zarur sport jihozlari bilan bosqichma-bosqich ta’minlash;

🔹 amalga oshirilayotgan ishlar yuzasidan muntazam monitoring olib borish belgilandi.

Shuningdek, masala yuzasidan amalga oshirilayotgan ishlar yakunlari bo‘yicha deputatga qo‘shimcha axborot taqdim etilishi ma’lum qilindi.