Doimiy komissiya yig‘ilishida dastlabki tarzda quyidagi masalalar ko‘rib chiqildi:

tumanda uy-joy qurilishi va ipoteka bozorini rivojlantirishga doir ustuvor vazifalarning amalga oshirilishi ustidan deputatlik va jamoatchilik nazoratini kuchaytirish to‘g‘risida;

O‘zbekiston Respublikasi Prezidentining tumandagi Xalq qabulxonasining axborotini, tuman hokimi hamda tumandagi davlat organlari va tashkilotlari rahbarlarining hisobotlarini eshitish tartibini tasdiqlash to‘g‘risida;

xalq deputatlari tuman Kengashi deputatlarining saylovchilar oldida o‘z faoliyati va kelgusidagi rejalar yuzasidan axborot berishning 2026-yilning uchinchi choragi uchun ishlab chiqilgan reja-grafigini tasdiqlash to‘g‘risida.

Yig‘ilishda Kengashning boshqa doimiy komissiyalari raislari shuningdek, siyosiy partiyalar tuman kengashlari raislari ham ishtirok etishdi.

So‘ngra komissiya a’zolari hamda yig‘ilishda ishtirok etganlar ushbu masalalar yuzasidan o‘zlarining munosabatlarini bildirib o‘tishdi.

Mazkur masalalarni navbatdagi sessiya kun tartibiga kiritish belgilab olindi hamda doimiy komissiyaning tegishli qarorlari tasdiqlandi.

Xalq deputatlari Uchko‘prik tumani Kengashi