#deputat_faoliyati

Xalq deputatlari Toshkent viloyati Kengashi deputati Mashrab G‘aniyev tomonidan Bo‘ka tumanida maktab hamda maktabgacha ta’lim tashkilotlarida faoliyat yuritayotgan yozgi oromgohlar ish faoliyati, ularning tashkil etilish darajasi hamda bolalar uchun yaratilgan sharoitlar holati o‘rganildi.

O‘rganish jarayonida oromgohlarda bolalarning mazmunli dam olishini ta’minlash, sog‘lomlashtirish tadbirlarini samarali tashkil etish, xavfsizlik talablariga rioya etilishi hamda pedagog va tarbiyachilar tomonidan olib borilayotgan tarbiyaviy ishlar holati tahlil qilindi. Shuningdek, bolalarning bo‘sh vaqtini mazmunli o‘tkazish uchun tashkil etilgan to‘garaklar, sport va madaniy tadbirlar, ma’naviy-ma’rifiy mashg‘ulotlar sifati ham ko‘zdan kechirildi.

Bundan tashqari, yangi o‘quv yiliga tayyorgarlik jarayonlari ham o‘rganilib, maktab va maktabgacha ta’lim muassasalarida ta’mirlash ishlari, sinfxonalarni jihozlash, o‘quv qurollari va zarur resurslar bilan ta’minlash holati hamda o‘quv jarayonini sifatli tashkil etish bo‘yicha amalga oshirilayotgan chora-tadbirlar ko‘rib chiqildi.

Deputat tomonidan aniqlangan kamchiliklarni bartaraf etish, oromgohlar faoliyatini yanada takomillashtirish, yangi o‘quv yilini munosib kutib olish uchun barcha zarur sharoitlarni yaratish yuzasidan mas’ul tashkilotlarga tegishli tavsiyalar berildi hamda mazkur yo‘nalishdagi ishlar deputatlik nazoratiga olindi.

📱 Telegram 📱 Instagram 📱 Facebook