Qonun ijrosi yuzasidan o‘rganish olib borildi

Xalq deputatlari Qiziriq tumani Kengashi deputati I.Qurbonov tomonidan “Avtomobil yo‘llari to‘g‘risida”gi O‘zbekiston Respublikasi Qonuni (O‘RQ-117-son, 2007-yil 2-oktabr) ijrosi yuzasidan tayyorlangan savolnoma asosida tuman Yo‘llardan foydalanish korxonasi DM hamda tuman Obodonlashtirish boshqarmasining yo‘l bo‘limida o‘rganish ishlari olib borildi.

O‘rganish davomida avtomobil yo‘llarini saqlash, ta’mirlash, ulardan foydalanish hamda yo‘l infratuzilmasini yaxshilash borasida amalga oshirilayotgan ishlar, mavjud muammolar va ularni bartaraf etish yuzasidan ko‘rilayotgan choralar tahlil qilindi.

Shuningdek, deputat tomonidan qonunning mazmun-mohiyati, unda belgilangan vazifalar hamda mas’ul tashkilotlarning vakolatlari yuzasidan xodimlarga tushuntirishlar berildi. Qonun talablarining ijrosini ta’minlash, yo‘l xo‘jaligi obyektlarini saqlash va aholiga qulay hamda xavfsiz harakatlanish sharoitlarini yaratish masalalariga alohida e’tibor qaratildi.

Qonunlar ijrosi ustidan deputatlik nazorati izchil davom ettirilmoqda.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram