Parkent tumani “Istiqbol” mahalla fuqarolar yig‘ini hududida joylashgan 40-son umumiy o‘rta ta’lim maktabida Xalq deputatlari Parkent tumani Kengashi deputati, doimiy komissiya raisi Mahmudova Baxtinisa Zuxriddinovna tomonidan saylovchilar bilan navbatdagi uchrashuv o‘tkazildi.Uchrashuv davomida deputat fuqarolarni navbatdagi sessiya kun tartibiga kiritilishi rejalashtirilayotgan masalalar bilan tanishtirib, ushbu yo‘nalishlarda olib borilgan o‘rganishlar natijalari haqida ma’lumot berdi. Shuningdek, saylov okrugi hududida istiqomat qilayotgan aholini mavjud muammo va takliflari yuzasidan o‘z murojaatlarini bildirishga chaqirdi.Tadbirda tegishli tashkilotlar vakillari, “Istiqbol” mahallasi yettiligi hamda maktab ma’muriyati ishtirok etib, fuqarolar tomonidan ko‘tarilgan masalalar yuzasidan tegishli tushuntirish va ma’lumotlar berdilar.Qabul davomida aholi tomonidan ichimlik suvi ta’minotini yaxshilash, ichki ko‘chalarni asfaltlashtirish, mahalla hududiga yangi maktab qurish hamda boshqa dolzarb masalalar yuzasidan murojaatlar bildirildi.Xususan, “Istiqbol” MFY hududiga yangi maktab qurish masalasi yuzasidan bildirilgan murojaatlar navbatdagi doimiy komissiya yig‘ilishida ko‘rib chiqilishi rejalashtirilayotgan Parkent tumani Maktabgacha va maktab ta’limi bo‘limi boshlig‘ining hisoboti muhokamasida deputatlik nazorati tartibida ko‘tarilishi belgilandi. Mazkur masala deputat tomonidan alohida nazoratga olindi.Shuningdek, murojaatlarning bir qismi yuzasidan mas’ul tashkilotlar bilan joyida muhokama o‘tkazilib, fuqarolarga amaliy tushuntirishlar berildi hamda ularni hal etish bo‘yicha tegishli choralar belgilandi.Bunday uchrashuvlar fuqarolar bilan ochiq muloqotni mustahkamlash, aholi muammolarini o‘z vaqtida aniqlash va ularning yechimi yuzasidan amaliy choralar ko‘rishda muhim ahamiyat kasb etmoqda.