Kotibiyat mudirini deputat sifatidagi faoliyati.

Xalq deputatlari Angor tumani Kengashi 6-Qorasuv saylov okrugi deputati Jamshid Raximqulov tomonidan o‘z saylov okrugi hududidagi mahalla fuqarolar yig‘ini raisi faoliyati o‘rganilib, amalga oshirilayotgan ishlar tahlil qilindi.

O‘rganish jarayonida Qorasuv mahallasi raisi Jumanazar Fayziyev tomonidan mahallada olib borilayotgan bunyodkorlik ishlari, aholi murojaatlari bilan ishlash tizimi hamda fuqarolarni ijtimoiy qo‘llab-quvvatlash borasida amalga oshirilayotgan chora-tadbirlar yuzasidan batafsil ma’lumot berildi.

Shuningdek, mahallaga kelib tushayotgan murojaatlarning o‘z vaqtida ko‘rib chiqilishi va ularning ijobiy hal etilishi, aholi muammolarini bartaraf etish hamda mahalla infratuzilmasini yaxshilash yo‘nalishida olib borilayotgan ishlar muhokama qilindi.

Deputat tomonidan mahalla raisining faoliyati yuzasidan tegishli xulosalar chiqarilib, aholi farovonligini yanada oshirish, murojaatlar bilan ishlash samaradorligini kuchaytirish hamda mahallada olib borilayotgan ishlar sifatini yanada yaxshilash bo‘yicha tavsiyalar berildi.