Aholining bepul dori vositalari bilan ta’minlanishi o‘rganildi.
Xalq deputatlari tuman Kengashining 21-Paxtaobod saylov okrugidan saylangan tuman Kengashi deputati D.Sharopova o‘z saylov okrugida joylashgan oilaviy poliklinikada bo‘lib, aholiga bepul berilishi belgilangan dori vositalari bilan ta’minlanish holatini o‘rgandi.

O‘rganish davomida poliklinikadagi mavjud dori-darmon zaxiralari, ularni saqlash sharoitlari hamda imtiyozli toifadagi fuqarolarga bepul tarqatish jarayonlari ko‘zdan kechirildi. Shuningdek, mas’ul tibbiyot xodimlari bilan suhbat o‘tkazilib, aholining dori vositalariga bo‘lgan ehtiyojini o‘z vaqtida qondirish yuzasidan amalga oshirilayotgan ishlar muhokama qilindi.

Deputat tomonidan fuqarolarning bepul dori vositalaridan foydalanish imkoniyatlarini yanada yaxshilash, dori ta’minotida uzilishlarga yo‘l qo‘ymaslik hamda murojaatlarga tezkor munosabat bildirish bo‘yicha tavsiyalar berildi.