Muammolar ijobiy hal etildi 

Oltiariq tumani Eskiarab MFY aholisi tomonidan ichki yo‘llar holatini yaxshilash, ko‘chalarni asfaltlashtirish masalasida uzoq yillar davomida murojaatlar bildirib kelingan.

Mahalla yettiligi tashabbusi va tuman hokimligi yordami bilan muammo ijobiy hal etildi. “Tashabbusli byudjet” loyihasida faol ishtirok etib, yetarli ovoz to‘plashi natijasida davlat mablag‘lari hisobidan ichki yo‘llarni asfaltlash ishlari boshlandi. Shuningdek, tuman hokimi belgilagan dastur doirasida, Xalq deputatlari tuman Kengashi
qaroriga muvofiq qo‘shimcha mablag‘ ajratildi va homiylik mablag‘lari jalb qilindi. Natijada hududdagi Gulshan, Tong yulduzi, Bunyodkor, Hidoyat, So‘lim, Do‘stlik, Hurriyat va Muruvvat ko‘chalarida 6 kilometrdan ziyod ichki yo‘llarga asfalt yotqizildi. Amalga oshirilayotgan obodonlashtirish ishlari mahalla infratuzilmasini yaxshilab,
aholi uchun yanada qulay sharoitlar yaratmoqda. Mahalla ahli yaratilayotgan imkoniyatlardan mamnunligini bildirmoqda.