ShÍMBAYDA NURANIYLER HÁM SOCIALLÍQ QORǴAWǴA MÚTÁJ PUQARALAR DENSAWLÍǴÍ TURAQLÍ ITIBARDA

♻️ Shımbay rayonında xalıqtı, ásirese, járdemge mútáj qatlamlardı, miynet veteranların hám mayıplıǵı bolǵan shaxslardı sociallıq qollap-quwatlaw, olardıń salamatlıǵın bekkemlew baǵdarında sistemalı jumıslar ámelge asırılmaqta.

✅ Atap aytqanda, búgin Shımbay rayonı "Insan" sociallıq xızmetler orayı imaratında sociallıq qollap-quwatlawǵa mútáj puqaralardı medicinalıq-sociallıq salamatlandırıw hám olardı "Taqıyatas kekseler hám mayıplar, urıs hám miynet veteranları sanatoriyası"na jiberiwdi shólkemlestiriw máselelerine baǵıshlanǵan ushırasıw bolıp ótti.
Ushırasıwda xalıq deputatları rayonlıq Keńesi baslıǵı O.Tolıbekov, tiyisli taraw qánigeleri hám máhálle belsendileri qatnastı. Ilajda insan qádirin ulıǵlaw, kekseler hám mayıplıǵı bolǵan shaxslarǵa mámleketimiz tárepinen kórsetilip atırǵan ǵamqorlıqtı mánzilli túrde hár bir shańaraqqa jetkeriw zárúrligi ayrıqsha atap ótildi.

📌 Ushırasıw juwmaǵında máhálle juwapkerleri hám taraw wákillerine sanatoriyaǵa jiberiletuǵın puqaralardıń hújjetlerin qısqa múddetlerde rásmiylestiriw hám olardı basqıshpa-basqısh sanatoriyaǵa shıǵarıp salıw jumısların muwapıqlastırıw boyınsha anıq tapsırmalar berildi.