O‘rganish davomida mahallada 3 495 nafar aholi 634 ta xonadonda istiqomat qilishi, kambag‘allik darajasi esa 4,3 foizni tashkil etishi qayd etildi.

Shuningdek, mahalla raisi tashabbusi bilan “Obod xonadon”, “Obod ko‘cha”, “Obod mahalla” mezonlari asosida Oltin vodiy, Ravnaq, Archazor va Hilol ko‘chalarida keng ko‘lamli obodonlashtirish ishlari amalga oshirilgani e’tirof etildi.

Uchrashuv davomida fuqarolar bilan ochiq muloqot o‘tkazilib, mahallani yanada obod qilish, aholi farovonligini oshirish hamda mavjud muammolarni bartaraf etish yuzasidan taklif va tavsiyalar muhokama qilindi.