Xalıq deputatları Bozataw rayonlıq Keńesi sekretariatı baslıǵı A.Ibragimov, turaqlı komissiyalar aǵzaları menen ushırasıw ótkerdi. 

Ushırasıw dawamında rayonlıq Keńes hám turaqlı komissiyalar tárepinen alıp barılıp atırǵan jumıslar, deputatlıq qadaǵalawın kúsheyttiriw, puqaralardıń múrájatların óz waqtında kórip shıǵıw hám aymaqlardaǵı áhmiyetli máselelerdi sheshiw boyınsha atqarılatuǵın wazıypalar keńnen sóz etildi. Turaqlı komissiyalar, Keńes jumısınıń áhmiyetli bólegi esaplanadı hám olardıń májilisleri arqalı túrli tarawlardaǵı máseleler kórip shıǵıladı. 

Ushırasıw dawamında komissiya aǵzaları ózleriniń pikir-usınısların bildirip, aymaqlarda ushırasıp atırǵan mashqalalardı anıqlaw hám olardıń sheshimin tabıw boyınsha birqatar usınıslar kiritildi. Sonıń menen birge, turaqlı komissiyalar jumısınıń nátiyjeliligin arttırıw, deputatlar menen ózara birgelikte islewdi kúshiytiw hám xalq penen ashıq múnásibetlerdi jolǵa qoyıw máselelerine ayrıqsha itibar qaratıldı. 

Ushırasıw juwmaǵında aldaǵı waqıtlarda ámelge asırılatuǵın wazıypalar belgilenip, turaqlı komissiyalar tárepinen deputatlıq qadaǵalawın kúsheyttiriw, qabıl etilgen qararlardıń orınlanıwın úzliksiz monitoring etiw hám puqaralardıń máplerin qorǵawǵa qaratılǵan jumıslardı izbe-iz dawam ettiriw boyınsha kelisip alındı.