Sessiya ishini xalq deputatlari tuman Kengashi raisi M.To‘ychiyeva olib bordi.

Dastlab O‘zbekiston mahallalar uyushmasi Bo‘ston tumani bo‘limi boshlig‘i E.Mo‘minovning O‘zbekiston Respublikasi Prezidentining 2023 yil 21 dekabrdagi PF-209-sonli Farmoni ijrosi yuzasidan hisoboti tinglandi.

Shuningdek, O‘zbekiston Respublikasi Prezidentining 2026 yil 5 fevraldagi PQ-48 va PQ-49-sonli qarorlari ijrosini ta’minlash bo‘yicha 2026 yil davomida amalga oshiriladigan istiqbolli rejalar yuzasidan tuman hokimining o‘rinbosarlari tomonidan ishlab chiqilgan maqsadli reja va loyihalar ko‘rib chiqildi.

Sessiya davomida sog‘likni saqlash, iqtisodiyot va moliya sohalariga oid boshqa dolzarb masalalar ham atroflicha muhokama qilindi.

Umuman olganda, navbatdagi sessiya ishida jami 10 ta masala ko‘rib chiqilib, har biri bo‘yicha deputatlarning munosabatlaridan kelib chiqqan holda aniq qarorlar qabul qilindi.