Xalq deputatlari Bekobod shahar kengashi deputati J.Dushabayev tashabbusi bilan Bekobod shahar 1-son texnikumida yoshlarning muammo va takliflarini o‘rganish maqsadida "Deputat va yoshlar” uchrashuvi tashkil etildi. Mazkur uchrashuvda deputat tomonidan yoshlarning bugungi kundagi dolzarb masalalari yuzasidan ochiq muloqot olib borilib, yoshlar uchun yaratilgan imkoniyat va shart-sharoitlar to‘g‘risida to‘xtalib o‘tdi. Shuningdek, O‘zbekiston Respublikasining 2010-yil 29-sentabrdagi “Voyaga yetmaganlar o‘rtasida nazoratsizlik va huquqbuzarliklarning profilaktikasi to‘g‘risida”gi O‘RQ-263-sonli qonunning mazmun va mohiyati bilan tanishtirib o‘tdi. Uchrashuv davomida yoshlar tomonidan qiziqtirgan savollar va takliflar tinglandi, siyosiy tadbirlar haqida aytib o‘tildi hamda yoshlar siyosati sohasida amalga oshirilayotgan islohotlar muhokama
qilindi. Bunday uchrashuvlar yoshlarga o‘z fikrlarini ochiq bildirish va o‘z salohiyatlarini yuzaga chiqarish uchun muhim omil bo‘lib xizmat qiladi.