Buyuk shoir va mutafakkir Alisher Navoiy hazratlari
yozganidek, “Kitob – beminnat ustoz, bilim va ma’naviy yuksalishga erishishning
eng asosiy manbai”. Xalqimiz tilida kitob o‘qib bilim va munosib tarbiya olish,
kasb-hunar o‘rganishning ahamiyatiga doir maqollar juda ko‘p. Jumladan,
“Kitobsiz aql – qanotsiz qush”, “Bilim – aql chirog‘i”, “Go‘zallik – ilmu
ma’rifatda”. Bunday hikmatli naqllarni yana uzoq davom ettirish mumkin.
Ayniqsa, yoshlarning hayotida kitobning alohida o‘rni bor. Chunki yaxshi kitob
insonda Vatanga muhabbat, milliy va umuminsoniy qadriyatlarga hurmat
tuyg‘ularini yuksaltirib, yaxshilik hamda ezgulikka undaydi. Shu bois, “Milliy
tiklanish” demokratik partiyasi Xalq deputatlari Termiz shahar Kengashi
deputati Sayyora Xodjayeva tomonidan “Biz kitobsevar xalqmiz!” aksiyasi
doirasida Termiz shahridagi 12-umumtalim maktabi o‘quvchilariga badiiy kitoblar
ulashildi.