Xotin-qizlar tadbirkorligini rivojlantirish bo‘yicha davlat dasturlari natijalari

Uzbekistonda xotin-qizlar tadbirkorligini rivojlantirish davlat siyosatining muhim yo‘nalishiga aylandi. So‘nggi yillarda imtiyozli kreditlar, grantlar va ta’lim dasturlari orqali minglab ayollar biznes boshladi, hunarmandchilik, savdo va qishloq xo‘jaligi sohalarida faollashdi hamda yangi ish o‘rinlari yaratishda ishtirok etmoqda.

Mustaqillikning 35 yillik bayrami shu sohadagi yutuqlarni sarhisob qilish va kelajak maqsadlarini belgilash uchun fursat bo‘lib, ayollarni raqamli iqtisodiyot, innovatsion tadbirkorlik va eksportbop mahsulotlar ishlab chiqarishga yanada keng jalb etish rejalashtirilgan.

Cocoon AI Summary

Mustaqillik — bu, avvalo, o‘z taqdirimizni o‘zimiz belgilash, yurtimizning buguni va ertangi kuniga daxldor bo‘lish, inson qadri va huquqlarini yuksaltirish imkoniyatidir.

Bugungi kunda mamlakatimizda amalga oshirilayotgan keng ko‘lamli islohotlarda xotin-qizlarning faol ishtiroki alohida ahamiyat kasb etmoqda. Ayniqsa, xotin-qizlar tadbirkorligini rivojlantirish, ularning iqtisodiy imkoniyatlarini kengaytirish va yangi ish o‘rinlari yaratish davlat siyosatining muhim yo‘nalishlaridan biriga aylandi.

So‘nggi yillarda xotin-qizlarni tadbirkorlikka jalb etish maqsadida imtiyozli kreditlar, subsidiyalar, grantlar, kasb-hunar va tadbirkorlikka o‘qitish dasturlari yo‘lga qo‘yildi. Hududlarda «Ayollar daftari» orqali ehtiyojmand xotin-qizlarni qo‘llab-quvvatlashning manzilli tizimi shakllantirildi.

Bu sa’y-harakatlarning natijasida minglab ayollar o‘z biznesini boshladi, oilaviy tadbirkorlikni yo‘lga qo‘ydi, hunarmandchilik, xizmat ko‘rsatish, qishloq xo‘jaligi, savdo, tikuvchilik, oziq-ovqat ishlab chiqarish kabi sohalarda o‘z o‘rnini topdi.

Eng muhimi, bugun xotin-qizlar nafaqat tadbirkor, balki yangi ish o‘rinlari yaratayotgan ish beruvchi sifatida ham jamiyatimiz taraqqiyotiga munosib hissa qo‘shmoqda.

Xotin-qizlar tadbirkorligini qo‘llab-quvvatlashning yana bir muhim natijasi — ayollarning iqtisodiy mustaqilligi va o‘z kuchiga bo‘lgan ishonchining ortib borayotganidir.

Aziz yurtdoshlar!

Mustaqillikning 35 yilligi biz uchun nafaqat tarixiy sana, balki bosib o‘tgan yo‘limizni sarhisob qilish va kelajak maqsadlarimizni belgilash uchun ham muhim fursatdir.

Biz bugun erishilgan natijalar bilan cheklanib qolmasligimiz kerak. Xotin-qizlarni zamonaviy kasblarga, raqamli iqtisodiyotga, innovatsion tadbirkorlikka va eksportbop mahsulotlar ishlab chiqarishga yanada keng jalb etish — oldimizda turgan muhim vazifalardan biridir.

Har bir tadbirkor ayolning muvaffaqiyati — bu faqat bir insonning yutug‘i emas. Bu — bir oilaning farovonligi, bir nechta yangi ish o‘rni, mahallaning iqtisodiy faolligi va pirovardida yurtimiz taraqqiyoti demakdir.

Shu ma’noda, mustaqil O‘zbekistonimizning 35 yillik taraqqiyot yo‘lida xotin-qizlarimizning mehnati, tashabbusi va fidoyiligi alohida o‘rin tutadi.

Ishonamizki, yurtimizda yaratilayotgan imkoniyatlardan unumli foydalanib, bilimli, tashabbuskor va zamonaviy fikrlaydigan tadbirkor ayollar safini yanada kengaytiramiz.

Zero, ayol qadrlangan, uning tashabbusi va mehnati qo‘llab-quvvatlangan jamiyatda taraqqiyot va farovonlik barqaror bo‘ladi.