#kotibiyat_xodimi_faoliyati
#Biriktirilgan_tashkilot
#162_ta_qonun_ijrosi

Bandixon tumanida deputatlik nazorati: "Inson" ijtimoiy xizmatlar markazida O‘RQ–415-sonli Qonun ijrosi o‘rganildi

Bandixon tumanida aholining ijtimoiy muhofazaga muhtoj qatlamlarini qo‘llab-quvvatlash, ularga ko‘rsatilayotgan ijtimoiy xizmatlar ko‘lamini kengaytirish va shaffofligini ta’minlash borasida tizimli deputatlik nazorati amalga oshirilmoqda.

Xalq deputatlari Bandixon tumani Kengashi kotibiyati bosh mutaxassisi E.Eshonqulov tumandagi "Inson" ijtimoiy xizmatlar markazida bo‘lib, nazorat-tahlil tadbirini o‘tkazdi.

Monitoring jarayonida O‘zbekiston Respublikasining “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘RQ–415-sonli Qonuni talablarining ijro etilish holati atroflicha tahlil qilindi.

Xususan, markaz tomonidan keksalar, nogironligi bor shaxslar hamda og‘ir turmush sharoitiga tushgan oilalarga manzilli va sifatli ijtimoiy xizmatlar ko‘rsatish, ularni reabilitatsiya vositalari bilan ta’minlash hamda fuqarolar murojaatlarini o‘z vaqtida hal etish ko‘rsatkichlari ko‘rib chiqildi.

O‘rganishlar yakunida aniqlangan masalalar yuzasidan markaz rahbariyati va xodimlariga ijtimoiy xizmat ko‘rsatish sifatini takomillashtirish bo‘yicha amaliy tavsiyalar berildi.