Ózbekstan Respublikası Prezidentiniń 2026-jıl 5-fevraldaǵı “Kóp kvartiralı turaq jaylardı basqarıw sistemasın bunnan bılay da jetilistiriw boyınsha qosımsha ilajlar haqqında”ǵı PQ-48-sanlı qararı tiykarında rayon aymaǵındaǵı kóp kvartiralı jaylarda alıp barılıp atırǵan jumıslar úyrenildi.

Xalıq deputatları Bozataw rayonlıq Keńesi sekretariatı baslıǵı A.Ibragimov, Bozataw rayonı qurılıs hám úy-jay kommunal xojalıǵı bólimi baslıǵı J.Nietbaev penen birgelikte kóp kvartiralı jaylardıń házirgi jaǵdayı, olardıń infrastrukturası, abadanlastırıw hám ońlaw jumısları kórip shıǵıldı.

Úyreniw dawamında qararda belgilengen wazıypalardı rayon sharayatında ámelge asırıw, kóp kvartiralı jaylarda jasawshılar ushın qolay sharayat jaratıw hám balalar maydanshasın qurıw máselelerine ayrıqsha itibar qaratıldı.

Anıqlanǵan máseleler boyınsha tiyisli shólkemler menen birgelikte jumıslardı jáne de jetilistiriw boyınsha usınıslar bildirildi.