Taxtakópir rayonı "Dáwir" MPJ imaratı "Baslamalı byudjet" joybarı sheńberinde alıp barılıp atırǵan qurılıs jumısların Xalıq deputatları rayonlıq Keńesine ÓzXDPdan saylanǵan deputat Q.Jaliev hám ÓzAdolat SDPdan saylanǵan deputat N.Primbetovlar kórip shıqtı. Deputatlar qurılıstıń hár bir basqıshın sapalı orınlaw hám qarjılardan únemli paydalanıw máselelerine ayrıqsha toqtap ótti. Jańadan boy tiklep atırǵan "Dáwir" MPJ imaratı máhálle turǵınları ushın barlıq qolaylıqlarǵa iye bolıwı hám múnásip xızmet kórsetiwi zárúr ekenligi atap ótildi.