Fuqarolar murojaati manzilli tarzda o‘rganilib, tuman Kengashining navbatdagi sessiyasigi kiritilishiga “Ishchi guruh” xulosasi tayyorlanmoqda

Xalq deputatlari Farg‘ona tuman Kengashiga tumandagi ehtiyojmand fuqarolarni davolanishlari bo‘yicha qilgan murojaatlari tuman Kengashining “Sahovat va ko‘mak” jamg‘armasidan mablag‘ ajratilishi bo‘yicha tuzilgan ishchi guruh a’zolari tomonidan o‘rganish maqsadida tumanning Mash’al, Gulpiyon, Mozortagi, Birdamlik, Navro‘z mahalla fuqarolari yig‘inlarida manzilli tarzda o‘rganish o‘tkazilib, murojaatchilarning yashash sharoitlari va haqiqatdan ham ehtiyojmand oilalar ro‘yxatida turilishi o‘rganildi. O‘rganishlar davomida sektor kotiblari va mahalla faollariga har bir fuqaroga vijdonan yondashgan holda dalolatnomalarni rasmiylashtirish bo‘yicha ko‘rsatma berilib, ehtiyojmandligi tasdiqlanmay, yashash sharoiti boshqalardan yaxshiroq bo‘lib, bandligi ta’minlangan fuqarolarga huquqiy xulosa berildi.

Gulpiyon MFY hududida istiqomat qiluvchi M.X.ning farzandi bolalikdan miya falaji kasallagi bilan kasallanganligi sababli tuman Kengashining 40-34-11-163-K/21-sonli qarori bilan 7.0 mln so‘m mablag‘ ajratilganligi sababli farzandini davolatishi uchun Farg‘ona shahar bolalar shifoxonasida davolanishi bo‘yicha mas’ullar bilan kelishildi. Shu bilan birgalikda ushbu qizaloqni davolanishidan so‘ng sog‘lomlashtirish sihatgohida bepul salomatligini tiklashi uchun qo‘shimcha tarzda sektor rahbari tomonidan yo‘llanma bilan ta’minlanishi, hamda chegaradan o‘tishlari uchun horijga chiquvchi pasportni olinishida mahalla raisi to‘lovini xomiylik yordamida to‘lab berilishi bo‘yicha kelishib olindi.