Yurtimizda bolalar va o‘smirlarni sportga jalb etishga alohida eʼtibor qaratilmoqda. Mahallalarda kichik sport maydonlari, jumladan sunʼiy qoplamali maydonlarning soni yildan-yilga oshib borayotgani ham buning yorqin dalilidir. Boyovut tumanida ham sunʼiy qoplamali futbol maydonlari soni va aholini sport bilan qamrab olish darajasi ortmoqda. Bu kabi sport maydonlarini ko‘paytirish, mavjud va taʼmirga muhtojlarini rekonstruksiya qilish, bolalar va o‘smirlar uchun zamonaviy sharoitlarni yaratishga alohida ahamiyat qaratilmoqda.

Tumanning "Qarapchi" mahalla fuqarolar yig‘inida hozirga qadar sunʼiy qoplamali sport maydoni yo‘q edi. Mahalladagi mingga yaqin o‘smirlar va yoshlar futbol bilan shug‘ullanishlari uchun qo‘shni hududlarga borishlari zarur edi. Albatta bunday ishlarda Xalq deputatlari Boyovut tumani Kengashi 27-Guliston saylov okrugidan saylangan deputat Nomurotov Mahmut Xayitboyevichning ham hissasi katta bo‘ldi. 

Jadal surʼatlarda davom etgan qurilish ishlari yakuniga yetib sport maydoni bolajonlar ixtiyoriga foydalanishga topshirildi.