INSON AZIZ – XOTIRA MUQADDASDIR! 

Xalq deputatlari Farg‘ona
tuman Kengashi deputati Axrorbek Erkaboyev loyihasi va tashabbusi asosida
tumanning Oqbilol mahalla fuqarolari yig‘ini hududida joylashgan “Oqbilol ota”
qabristoni shaharsozlik hamda boshqa me’yorlar va qoidalarga muvofiq qayta
qurilib, mahallada istiqomat qiluvchi
fuqarolar bilan hashar o‘tkazilib, obodonlashtirish ishlari olib borilib, yoshi
ulug‘ nuroniylar duolari bilan birgalikda foydalanishga topshirildi. 

Mana shunday hayrli ishlarni
boshida turib, mahalladoshlarning hurmatiga sazovor bo‘lib, Jonajon xalqimizni
duolarini olib kelayotgan oliyjanob deputatlar aynan O‘zbekiston “Adolat” SDP
deputatlari safida ekanligi bizni yanada g‘ururlantiradi. 

Zero, har bir insonning
jamiyatda o‘z o‘rni, mavqei, izzat-hurmati bo‘lgani kabi, u vafot etganidan
keyin ham ortda qolganlar xotirasida shu izzat-hurmat saqlanishi kerak.
Muqaddas dinimizda o‘tganlar qabrini ziyorat qilish ham katta savoblar qatoriga
kiritilgan. Marhumlar qo‘nim topgan maskanlarni obod qilish va ularning
haqlariga duolar qilish barchamizning insoniy burchimizdir.  

Xalq deputatlari Farg‘ona
tuman Kengashi deputatlari O.Dadajonova, F.Mirzayev, O‘zbekiston “Adolat” SDP
Farg‘ona tuman Kengashi raisi N. Karimov