#deputat_faoliyati
#haftalik_ish_reja_ijrosi

TOZA SHAHAR — BARCHAMIZNIKI!

O‘zbekiston Respublikasining “Ekologik nazorat to‘g‘risida”gi Qonuni Qonunchilik palatasi tomonidan 2013-yil 12-noyabrda qabul qilinib, Senat tomonidan 2013-yil 12-dekabrda ma’qullangan.

Mazkur qonun talablaridan kelib chiqib, hududlarda ekologik barqarorlikni ta’minlash, atrof-muhitni asrash, sanitariya va tozalik qoidalariga rioya qilish hamda fuqarolarning ekologik madaniyatini yuksaltirish muhim vazifalardan biridir.

Shu maqsadda “Toza shahar — barchamizniki” shiori ostida tadbir o‘tkazildi. Unda Xalq deputatlari Termiz tuman Kengashi 5-Uchqizil saylov okrugi deputati Sh. Norsayev ham ishtirok etdi.

Tadbir davomida hududlarni obodonlashtirish, atrof-muhitni asrash, chiqindilarni belgilangan joylarga tashlash, sanitariya va tozalik talablariga amal qilish hamda ekologik madaniyatni oshirish masalalari ijrosi o‘rganildi

Deputat Sh. Norsayev o‘z fikr-mulohazalarida tozalik va obodonlikni ta’minlash faqat mas’ul tashkilotlarning vazifasi emas, balki har bir fuqaroning kundalik mas’uliyati ekanini ta’kidladi. Shuningdek, mahallalarda tozalikni saqlash, yashash hududlarini obod qilish va ekologik nazoratni kuchaytirish bo‘yicha o‘z takliflarini bildirdi.

Zero, toza va obod hudud — sog‘lom muhit, yuksak madaniyat va barchamizning umumiy mas’uliyatimiz!