Xalıq deputatları Qaraózek rayonlıq Keńesi 6-sanlı M.Balmaǵanbetov saylaw okrugi deputatı, rayon hákimi A. Baymuratovtıń Qoybaq awıl puqaralar jıyınında qabıllawı ótkerildi. Qabıllawda rayon hákimi aymaq xalqına keyingi jıllarda aymaqtaǵı bolıp atırǵan keń kólemli ózgerisler, aldaǵı islenetuǵın abadanlastırıw hám qurılıs jumısları boyınsha maǵlıwmat berip ótti. Sonday-aq, ushırasıwda puqaralardı qıynap kiyatırǵan mashqalalar, sheshimin kútip turǵan múrájatlar boyınsha sáwbetlesip orınlanıwın qadaǵalawǵa alatuǵınlıǵın bildirdi.