Kuni kecha Mirobod tumanidagi 110-sonli umumta’lim maktabida “Ayol – jamiyat ko‘zgusi” shiori
ostida Mirobod va Yakkasaroy tumanlari qizlari o‘rtasida “Siz yangi Qonunni bilasizmi?” mavzusida intellektual bellashuvi o‘tkazildi. 

Mazkur tadbir jamiyatda xotin-qizlarning ijtimoiy-siyosiy faolligini oshirish, ma’naviy muhitni sog‘lomlashtirish, oilaviy qadriyatlarni mustahkamlash maqsadida Gender tenglik va oila masalalari bo‘yicha respublika komissiyasi, Toshkent shahar hokimligi Oila va xotin-qizlar qo‘mitasi tomonidan tashkillashtirilgan "Ayol-jamiyat ko'zgusi" festivali doirasida bo‘lib o‘tmoqda. 

Tadbirda Xalq deputatlari Mirobod tuman Kengashining Yoshlar siyosati, xotin-qizlar va gender tenglik masalalari bo‘yicha doimiy komissiyasi raisi 21-Qorasuv saylov okrugi deputati Sh.Saidjabbor va
Toshkent shahar hokimligi Oila va xotin-qizlar qo‘mitasidan vakillar ishtirok etib, yoshlarga bugungi jamiyatimizda ayollarni o’rni naqadar yuksak darajada ekkanligini e’tirof etdilar. 

Turnir yakunida barcha ishtirokchilarga maxsus diplomlar va esdalik sovg‘alari topshirildi.