Xalq deputatlari Muzrabot tumani Kengashi kotibiyati mudiri Dilmurod Sherboyev hamda tuman Kengashi kotibiyati bosh mutaxassisi B.Xoliqov tomonidan deputatlik nazorati doirasida Muzrabot tumanidagi "Tong yulduzi" mahalla fuqarolar yig‘inida O‘zbekiston Respublikasining 2013-yil 22-apreldagi O‘RQ–350-sonli “Fuqarolarning o‘zini o‘zi boshqarish organlari to‘g‘risida”gi Qonuni ijrosining ta’minlanish holati yuzasidan o‘rganish o‘tkazildi.

O‘rganish davomida mahalla fuqarolar yig‘inida mazkur qonun talablarining amaliy ijrosi, fuqarolarning o‘zini o‘zi boshqarish organlari faoliyatini samarali tashkil etish, aholi murojaatlari bilan ishlash, mahalla fuqarolar yig‘inining vakolatlari hamda zimmasiga yuklatilgan vazifalarning bajarilish holati atroflicha tahlil qilindi.

Shuningdek, mahalla fuqarolar yig‘ini raisi va mas’ul xodimlar ishtirokida qonunning mazmun-mohiyati, maqsad va vazifalari yuzasidan huquqiy targ‘ibot ishlari olib borildi.
Fuqarolarning mahalliy ahamiyatga molik masalalarni hal etishdagi ishtirokini yanada faollashtirish, mahalla institutining jamiyat hayotidagi o‘rnini mustahkamlash hamda jamoatchilik nazoratini kuchaytirish masalalariga alohida e’tibor qaratildi.